Kuri uyu wa kabiri, tariki ya 07 Kamena 2022, mu bitaro bya Shyira, biherereye mu Kagari ka Kanyamitana, Umurenge wa Shyira, Akarere ka Nyabihu, habereye umuhango wo kwibuka ku nshuro ya 28 inzirakarengane zazize jenoside yakorewe abatutsi mu mwaka w’1994, uyu muhango wabereye mu bitaro bya shyira, ahubatswe monument mu rwego rwo kwibuka abazize jenoside yakorewe abatutsi mu 1994, hibukwa abaganga, abakozi, abarwayi, abarwaza…
Igikorwa cyitabiriwe n’abakozi b’ibitaro, abashyitsi baturutse impande zitandukanye, abaturage bahaturiye, , abahagagariye inzego z’umutekano zikorera mu Karere ka Nyabihu ndetse no mu Murenge wa Shyira by’umwihariko( Ingabo, Police, RIB, DASSO..), Perezida wa IBUKA mu Karere ka NYAbihu, BWANA Juru anastase, Komite ya IBUKA ku rwego rw’Umurenge wa Shyira, Abahagarariye AERG na AVEGA mu Murenge wa Shyira.
Uyu muhango waranzwe n’ibikorwa bitandukanye, ari byo:
Ubuhamya n’indirimbo,
Hatanzwe ubutumwa bw’icyizere kirambye,
Gushyira indabo kuri monument mu rwego rwo kunamira inzirakarengane z’abaganga, abarwayi, abarwaza…bazize jenoside yakorewe abatutsi mu w’1994,
Umushyitsi mukuru muri uyu muhango yari Umuyobozi w’agateganyo w’Imirimo rusange mu Karere ka Nyabihu, Bwana Twagirayezu Jean Paul.